Нууцлал ба хариуцлага

Юу цуглуулдаг вэ

• Серверт юу ч илгээдэггүй

  Профайлын хариулт (анги, төрсөн он, дүн, хэл, санхүүжилт), хадгалсан хөтөлбөр, чеклистийн тэмдэглэгээ зөвхөн энэ төхөөрөмжийн хөтөчийн санах ойд (localStorage) хадгалагдана. Waylo-ийн сервер, бүртгэл, нэвтрэлт байхгүй.

• Өөрөө удирдана

  Өгөгдлийн тохиргоо хуудаснаас бүх хадгалсан зүйлээ файл болгон экспортлох эсвэл нэг товчоор устгаж болно. Хөтөчийн түүхээ цэвэрлэвэл мөн устана.

• Cookie байхгүй

  Waylo cookie тавьдаггүй, хэрэглэгчийг төхөөрөмж хооронд мөшгидөггүй.

Өгөгдлийн тохиргоо — экспортлох, устгах.

Гуравдагч тал

• Google Fonts

  Гарчиг, бие текстийн фонтыг Google-ийн серверээс татдаг. Энэ үед хөтөч IP хаягаа Google-д илгээнэ — бусад сайтын адил.

• Cloudflare

  Сайтыг Cloudflare Pages дээр байршуулдаг. Cloudflare серверийн ердийн лог (IP, хүсэлтийн цаг) хөтөлж болно; Waylo эдгээрт нэрээр холбогдох мэдээлэл нэмдэггүй.

• Хэмжилт

  Одоогоор ямар ч хэмжилтийн (analytics) хэрэгсэл ороогүй. Нэмэгдвэл cookie-гүй, хувь хүнийг таньдаггүй хувилбарыг сонгож энд бичнэ.

Насанд хүрээгүй хэрэглэгч

Waylo-ийн гол хэрэглэгч 15–18 настай сурагчид. Нэр, утас, имэйл, хаяг зэрэг хувь хүнийг таних мэдээлэл асуудаггүй, серверт юу ч хадгалдаггүй тул эцэг эхийн зөвшөөрөл шаардах өгөгдөл үүсдэггүй. Профайлын хариулт төхөөрөмж дээрээ л үлддэг — эцэг эх хүсвэл Өгөгдлийн тохиргоо хуудаснаас харж, устгаж болно.

Хариуцлагын хязгаар

• Waylo лавлагааны зорилготой. Хугацаа, орон тоо, шаардлага жил бүр өөрчлөгддөг — өргөдөл гаргахын өмнө тухайн хөтөлбөрийн албан зарыг заавал өөрөө уншина уу.
• Албан эх сурвалж Waylo-гоос давамгайлна. Зөрвөл албан эх сурвалж зөв.
• Waylo зуучлагч биш: өргөдөл илгээдэггүй, тэнцэх баталгаа өгдөггүй, шийдвэрт нөлөөлдөггүй.
• Waylo-ийн мэдээллээс үүдсэн хохирлыг хариуцахгүй, харин олдсон алдаа бүрийг шалгаж засна. Баримт бүрийн шалгасан огноо, эх сурвалж «Эх сурвалж» хуудсанд ил.

Эх сурвалж, шалгасан огноо ·Waylo-ийн тухай